బయోమెట్రిక్ లేదా ఐరిష్ తో ఓటు హక్కు వినియోగం పై కేంద్రానికి సుప్రీంకోర్టు నోటీసు.

కొత్త ఢిల్లీ: ఆగస్టు,19 (తెలుగు న్యూస్ పవర్. కామ్) ఓటు హక్కు దుర్వినియోగానికి అడ్డుకట్ట వేసేలా, పోలింగ్ కేంద్రాల్లో వేలిముద్రలు లేదా కంటిపాప (ఐరిష్) ఆధారిత బయోమెట్రిక్ గుర్తింపును ప్రవేశపెట్టాలని దాఖలైన పిటిషన్‌పై సుప్రీంకోర్టు బుధవారం స్పందించింది. ఈ అంశంపై తమ అభిప్రాయాలను తెలుపాలని కేంద్ర ప్రభుత్వం, కేంద్ర ఎన్నికల సంఘానికి (ఇసిఐ) సుప్రీంకోర్టు నోటీసులు జారీ చేసింది. బయోమెట్రిక్ తనిఖీల ద్వారా బోగస్ ఓటింగ్, ఒకరి స్థానంలో మరొకరు ఓటేయడం (ప్రాక్షి వోటింగ్), డూప్లికేట్ ఓట్లను సమర్థవంతంగా అరికట్టవచ్చని పిటిషనర్ విజ్ఞప్తి చేశారు.
​సుప్రీంకోర్టు ఈ విధానాన్ని తక్షణమే అమలు చేయాలని ఆదేశించలేదు. దీనికి సంబంధించిన చట్టపరమైన, సాంకేతిక, ఆర్థిక మరియు నిర్వహణ అంశాలను పరిశీలించడానికే కేంద్రం, ఈసీ అభిప్రాయాలను కోరింది.
​కోట్లాది మంది ఓటర్లు ఉన్న భారతదేశంలో బయోమెట్రిక్ పరికరాల సాంకేతిక లోపాల వల్ల అర్హులైన ఓటర్లకు ఇబ్బందులు ఎదురుకాకూడదని నిపుణులు హెచ్చరిస్తున్నారు.
​డిజిటల్ డేటా భద్రత, వ్యక్తిగత గోప్యత (ప్రైవసీ), సైబర్ సెక్యూరిటీ, పరికరాల ఏర్పాటుకు అయ్యే భారీ వ్యయం వంటి అంశాలు సవాలుగా మారాయి.
​భారత ఎన్నికల సాంకేతిక వ్యవస్థలో విప్లవాత్మక మార్పులు తెచ్చే ఆలోచన ఉన్నప్పటికీ, ప్రజాస్వామ్య హక్కులు, సాంకేతిక భద్రతల మధ్య సమతుల్యత సాధించడమే అత్యంత ముఖ్యమని నిపుణులు చెబుతున్నారు.