జిల్లాకు 200 కొత్త పింఛన్లు

పాలకొల్లు:డిసెంబర్,19 (తెలుగు న్యూస్ పవర్) పశ్చిమగోదావరి జిల్లాకు కొత్తగా 200 పింఛన్లు మంజూరు కానున్నాయి. ఇటీవల రెండు రోజుల పాటు జరిగిన జిల్లా కలెక్టర్ల సమావేశంలో వచ్చిన అభ్యర్థన మేరకు ముఖ్యమంత్రి నారా చంద్రబాబు నాయుడు ఈ నిర్ణయం ప్రకటించారు. ఇందువల్ల పశ్చిమగోదావరి జిల్లాలో ఉన్న అర్హులైన, క్యాన్సర్ బాధితులు, దీర్ఘకాలిక వ్యాధులతో చికిత్స తీసుకుంటున్న వారు, దివ్యాంగులకు ప్రాధాన్యత ఇచ్చి, ఈ పింఛన్లు మంజూరు చేస్తారు. ఈ పింఛన్లు బాధితులకు సత్వరమే అందించడానికి నిబంధన సడలించారు. దీని ప్రకారం జిల్లా ఇన్చార్జి మంత్రి,, కలెక్టర్ వారి విచక్షణాధికారం మేరకు వెంటనే పింఛను మంజూరు చేసి బాధితులను ఆదుకోవడానికి అవకాశం కల్పించారు. క్షేత్రస్థాయిలో పరిష్కరించవలసి ఉన్న పెన్షన్లు వెంటనే మంజూరు చేస్తారు.