మద్యం షాపులో అగ్ని ప్రమాదం. రూ. 1.40 కోట్ల మద్యానికి ముప్పు.

యలమంచిలి:మే, 5(తెలుగు న్యూస్ పవర్. కామ్) స్థానిక కాలంపూడి గ్రామంలో బూన్ వైన్స్ షాపులో అగ్నిప్రమాదం రాత్రి 11 గంటల సమయంలో తమకు వచ్చిన ఫోన్ కాల్ ద్వారా గుర్తించినట్టు నరసాపురం ఎక్సైజ్ ఇన్స్పెక్టర్ రాంబాబు మంగళవారం తెలియజేశారు. ఈ షాపులో రూ. 1.40 కోట్ల విలువైన మద్యం నిల్వలు ఉన్నట్టు తెలిపారు. ప్రమాదంలో 90 శాతం వరకు సరుకు నష్టం జరిగిందని తాత్కాలిక అంచనా వేస్తున్నట్లు తెలిపారు. ఎదురుగా ఉన్న కూడా ఉన్నా కూడా కొంత మేర నష్టం జరిగినట్టు వెల్లడించారు. ఈ ప్రమాదం సంభవించడానికి కారణాల కోసం అగ్నిమాపక దళం, స్థానిక పోలీసులు విచారణ చేపట్టారని వివరించారు. ఇది సహజంగా జరిగిన ప్రమాదమా, కావాలనే ఎవరైనా దుండగులు సృష్టించిన ప్రమాదమా తేలవలసి ఉందన్నారు.